دستور دهم
فلسفتنا في العمل والتفكير
دستور دهم: هوه تعريف بأصول دهم القائمة عليها وطريقة تفكيرها وعملها، بيساعدك تتخذ قرارات بأكبر قدر من المنطقية والقرب من توجة الشركة، تسكر صفقات ويفتح لك ولدهم ابواب.
وفيه اسرار نجاح الشركة كلها
يُعتبر مثل الكتاب الي تشله وياك كل مكان وترجعله قبل القرارات والأوقات الصعبة وكل ما احتجته، ونذكر فيه بعضنا في اوقات الازمات
هذه النسخة الأولى وبيتم التطوير عليها كل بضع شهور نؤمن بأنه أي فكرة تمر على بالنا نقدر نحولها لواقع بدون حدود أو قوانين، نعيش حياتنا لأقصى حدودها نتحدى المألوف بخلق طرق ما وجدت من قبل، معانا طاقات عظيمة ونريد نسخرها لأقصى حدودها، وصار اننا نحط هذي الطاقات على العلامات التجارية تسويقياً نحن ناس ما نمشي على القانون ولا نعترف بالمعتاد، نحن نفكر ونحلم ثم نطبق بلا حدود، ما نعرف الصعب ولا نشوف شي مستحيل، ما يحدنا عمر، زمان أو مكان والأهم من هذا كله اخترنا ، اخترنا نكون هنا فهذا الوقت الزمان والمكان ونحو هذي القضية نحن ما شركة تسويق ولا نعرف نفسنا كذا، نحن شركة تصنع التغيير وين ما راحت شو نؤمن؟!!! نوقف ضد العرف المجتمعي والكسالة في العمل، ضد العادي والسهل والمألوف، نحارب بكل شي معنا عشان نغير هذا العالم ونحدث فرق احفاد احفادنا يشوفوه، يلمسوه و يغير من حياتهم. نحن في سَعي لمساعدة كل هذيلاك الناس الي وافقوا انهم يعطوا انفسهم احلام عظيمة ، وسعوا خلفهم ،، ولكن الوقت والمكان خلاهم يمروا و يجربوا تجارب سيئة ، عادية ومتواضعة ،، نحن هنا لإعادة كتابة هذي التجربة ومساعدتهم يوصلوا لاحلامهم العظيمة، هذا نحن. كيف نحن غير؟!! لما تتكلم معانا، وفي أول اللحظات راح تحصل كم هائل من الاسئلة تجيك من كل صوب ، ليش ، كيف ومتى ، ما عشان نريد نزعجك بل انه فينا فضول كبير يدفعنا نفهم افضل طريقة نساعدك فيها ، ومن وقت ما نبدأ لحد آخر لحظة تلقانا في كل موقف ، نستثمر كل جهدنا وطاقاتنا عشان نوفر لك أفضل حل ممكن لمشكلتك ، ليس مجرد حل سطحي عشان ناخذ فلوسك ، بل حل نحن آمننا فيه قبل لا نقدمه لك. بعض من أعمالنا (تساعدك تتخذ قرار) النتيجة قبل كل شيء: نحن ما مجرد مصور ، كاتب او مسوق ، فيه كثيرين منهم في السوق ،، نحن ناس تفهم ال WHY - شو عميلنا يريد بالضبط وشو الدافع مالة ، بعد ما نفهمها نقدملة نتيجة راضي عنها ١٠٠٪ ، حتى لو اضطرينا نعيد العمل ١٠ مرات ، ندفع فلوس من جيبنا ، ونشتغل يوم الجمعة من ٨ الصبح ل ٩ المساء الجودة دائمة: عملنا هوة اكبر آداة تسويق لنا ، محتوانا يوقف الناظرين ويخليهم يسألوا من وين هذا !!! في كل حبة محتوى نصنعها نخليها افضل من المثالية ب ١٪ دائماً، ما نقدم شيء نحن ما راضين عنه تماماً ، ونأخذ الخطوة الزائدة من الجهد في كل مرة السرعة: تذكر لما قلنا نريد نتحدى المألوف؟ من ضمن المألوف انه ما عندنا حدود زمنية ، الي ياخذ اسبوع نحن نخلصة في يوم بدون التنازل عن الجودة ، والي كل احد شافة مستحيل يخلص في هذا الوقت القصير نحن نشوفة تحدي فنان وقادرين عليه تماماً ، في كل شيء سرعتنا من تسليمنا للأعمال في أوقات قياسية ردنا على العميل وبعضنا في ١٠ دقائق وكل ما يخطر على بالك هوسنا بالعميل:ليش دهم موجودة في الكون؟!
عميلنا الي قدامنا هوه أهم شيء في حياتنا ، اهم من اكلنا وشربنا وعائلاتنا ، رضاه من جميع الجوانب الي ممكن نفكر فيها وراحته هوه شيء نصب عيوننا في كل ثانية من تعاملنا معاه
كل واحد فينا قائد: ما يهمنا من انت وعلى شو شغال، انته قائد وتتصرف على هذا الأساس ، تحكم نفسك وتبتكر بشكل دائم ، وتتخذ أي شيء مؤمن انه فيه مصلحة للشركة وعملائها بدون ما تمر بسلسلة تفكيرات وتعقيدات كثيرة ، شفت انه فيه مشكلة قدامك ؟! وفكرت في حل لها؟! اتوكل على الله وطبقة و حتى لو فشلت عادي طول ما انك تتعلم من التجربة وتشارك تعلمك للفريق ودامه ما قرار مصيري يفلس الشركة ، ف أمورك طيبة
21/9/2025 نهاية الدستور .